A Casa da Cultura de Cambre “Vila Concepción” inaugura o ciclo “Autoras” destinado a dar visibilidade ás escritoras do panorama local coas autoras Nieves Abarca e Érica Esmoris
O Concello de Cambre inaugura o vindeiro día xoves 11 de febreiro na remodelada Casa da Cultura, Vila Concepción, o ciclo de conferencias literarias “Autoras”. Trátase dun evento cultural mensual destinado a dar visibilidade ás escritoras femininas do panorama local e co que o Concello de Cambre espera poñer en valor a calidade das autoras locais e a súa aposta pola literatura en clave feminina. A escollida para abrir fecha é a veterana escritora coruñesa Nieves Abarca, que presenta a súa próxima publicación Los muertos viajan deprisa, o próximo xoves 11 de febreiro ás 20:00 horas. A escritora Érica Esmoris, gañadora en 2015 do Premio Merlín de Literatura Infantil, será a seguinte proposta, para o 10 de marzo, ás 20:00 horas. Entre outras novas actividades da Casa da Cultura, tamén atopase a creación dun “Cineclub” mensual que proxectará filmes de interese xeral para fomentar o debate e a crítica, con convidados especiais para un coloquio posterior. Este espazo cultural tamén ofrece diversas opcións culturais, talleres e outras actividades que se poden descubrir na web do Concello de Cambre.
